أحمد الزالوعى يكتب: مصر الضيقة

أحمد الزالوعى

مصر بلد ضيقة رغم شكلها على الخرائط, بل و شديدة الضيق بالنسبة لعدد سكانها الذي يصبح مهولا بالنسبة لمساحتها المكتنزة , المساحة المأهولة بالسكان 79 الف كيلومتر مربع يعيش فيها 100 مليون نسمة, وده أمر لافت خاصة إذا علمنا أن مساحة الاردن مثلا 83 كم مربع , وتونس 163 كم مربع و الامارات 83 كم مربع , واحد ذكي يقولك مهى البلاد دى برضه مش كل مساحتها مأهولة أقوله فعلا لكن مهو عدد سكانها بسيط اقل من عشر عدد السكان هنا .
يبدو ان المشكلة مش فى عدد السكان الكتير قد ماهو فى ان البلد ضيقه والعياذ بالله , قصة وليه الناس ما تروحش تعيش فى اماكن جديدة قصة مش عملية ولا واقعية لان الناس عايشة فى الاماكن الصالحة للحياة من فجر التاريخ , وبيتم التمدد فعلا فى الصحرا لكن طبعا ببطء جدا وده طبيعي فالنتيجة انك بتمشى فى المنصورة ودمياط والزقازيق و طنطا وكأنك ماشى فى الصين او المكسيك, ده كده و لسه مدخلناش ع القاهرة ,
طبيعى جدا ان يحصل تآكل للاراضى الزراعية على حواف المدن و القرى (امال الملايين دى هتعيش فين ) وطبيعى انك تلاقى البنايات بتمدد رأسيا عمارات و ابراج (لاستغلال مساحة الارض لأقصى درجة) وطبيعى تلاقى الشقق ضاقت اكتر (لتستوعب البناية اكبر عدد شقق) وطبيعى تشيع روح الخنقة فى البلد الضيقة دى من الكبارى الى التقاطعات والاسواق والشوارع الى روح الانسان .

بواسطة belaad بتاريخ 12 فبراير, 2020 في 10:43 صباحًا | مصنفة في مقالات | لا تعليقات

اترك تعليقا