سيرك .. بقلم : زهرة يونس
مسرحية ف سيرك آيل للسقوط
طاغي دور البهلوان
وياه القرود
عمال بيخزي العين
بحركات ألعبان
ع الحبل ماشي مستقيم
وكل ماالمشهد بيعلى …
في الملل يطلع شاويش مسرح
يخبط في الحلل
والسقفة م الجمهور تعلى..
تمجد في الهبل
وتقول: دا هايل …
شيء عظيم وف ركن مطفي ..
لا فيه اضاءة
وفاضي حتى من الديكور
هتلاقي.. دبلانة الورود
وإن يوم تمد الغصن
تحلم بالوصول
يكون الرد حاضر:
اللي مش عاجبه يغور
ازاي تعدي حدك
في الغنا ع الطبلة ..
ليه صوتك يجور