هات قرش.
اوعوا عقلكوا يروح لبعيد و تفتكروا قرش اعالى البحار هذا قرشى انا الذى فضله البشر على الضمير و الأمانة هو المال الذى سبق البنون و سائر متع الحياة.
فالقرش بيسوى الهوايل و عشان خاطر عيون الفكة يبقى كله ماشى تطبيقا لمقولة ((قبضنى تعرفنى)) و كله بالقانون برضه.
فبفضل طول مسيرة درجات التقاضى فى ام الدنيا عل و عسى المظلوم يطلع برئ لان قلبها كبير اد طولة بالها و طولة العمر لكم ان شاء الله نحن نسبح فى بحر الرشاوى و خد اشرب شاى من المصنع نفسه.
و بفضل بريق القرش و فنطاس الشاى بتسلك كل حاجة و تنزل الخدمات ترف على دماغك محبة فالقرش مش فيك و ترن اطعم جملة فى ودانك زى الزغاريط فى الفرح البلدى ((انت تامر يا باشا)) اللى انت عايزه يتعمل عندك الأوبن بوفيه مد ايدك متكسفش اختار اللى على مزاجك من اول تسنين عيل لحد عنوان برج سكنى فى قلب اشهر شوارع قاهرة المعز طوله 7 الاف متر بطول عمر حضارة ام الدنيا لم يستدل على العنوان!!!!!
و لو انت بقى برنس اوى و فول اوبشن حدث ولا حرج بدء من عدم اعلان الخصم باى جلسة اصلا مرورا باى تحريات او اخفاء اى ورقة او شرب المر بالتلج عند تنفيذ اى حكم و ممكن تجيب لخصمك اعدام فى مخالفة مرور لو عايز احنا بنخدمك محبة عشان انت مظلوم و ده حرام بس انت شخشخ جيبك و كله بالحب.
ومن هنا عرفنا سر حضور كل المصريين دايما بعد انتهاء القضية ويبقى عندهم ملحق و يعيدوا السنة و بيبقى شكلهم وحش و هما سقطيناخر السنة.
بعد كل هذه الأفعال بايدينا تلومون على القانون ده حسن سبانخ طلع علبان و حسن النية معكم تهمة ……..اااااخ منكم يا معشر العفاريت.
و للحديث بقية.
